.png)
દિવ્યપુરુષ મહિમાગાન
પ્રાર્થના : હે વ્હાલા બાપજી, હે વ્હાલા બાપજી
(રાગ : હે સદ્ગુરુજી, હે સદ્ગુરુજી....)
હે વ્હાલા બાપજી, હે વ્હાલા બાપજી, જેમ કહેશો તેમ કરશું જોડી હાથ જી;
હે દિવ્યપુરુષ, હે વ્હાલા બાપજી, જેમ રાખો તેમ રહેશું જોડી હાથ જી...ટેક
શ્રીજી સંકલ્પે આપ પ્રગટ થયા, નિયમ નિષ્ઠાએ કરી શોભી રહ્યા;
સિદ્ધ મુનિસ્વામીને ગુરુ કર્યા...હે વ્હાલા બાપજી ૦૧
હેતુ પ્રાગટ્યનો તમે ઉર ધરી, અહીં-તહીં રહ્યા તમે બહુ ફરી;
નર્યાં અપમાનોને સહન કરી...હે વ્હાલા બાપજી ૦૨
જે’દિ જમવા માટે ખીચડી નો’તી, વિચરણ માટે ક્યાં જોડ હતી;
રોમે રોમમાં નરી ખુમારી હતી...હે વ્હાલા બાપજી ૦૩
તાવ ટાઇફૉઇડ જેવો મંદવાડ સમો, ફ્રૂટ ન્હોતું સુધારી ક્યાંથી જમો;
શ્રીજી સિદ્ધાંતોનો હતો રજમો...હે વ્હાલા બાપજી ૦૪
ખૂબ સમર્થ છતાં જરણાઓ કરી, ગાડાં વાસણ ઘસીને સેવા કરી;
મુનિસ્વામી ગુરુનો લાભ ધરી...હે વ્હાલા બાપજી ૦૫
સભા સ્ટેડિયમ કેરી પાળે ભરી, ભગવું ફરકાવીને ધજા કરી;
શેર જામફળ લાવી પ્રસાદી ધરી...હે વ્હાલા બાપજી ૦૬
બાપા કેરા વિરોધી વચ્ચે રહ્યા, બાપાવાળો એમ સહુ કહેતા રહ્યા;
તોય લાખો બાપાવાળા થયા...હે વ્હાલા બાપજી ૦૭
માળા લઈને પ્રદક્ષિણા બહુ ફર્યા, ફરતાં ફરતાં ઘણા સત્સંગી કર્યા;
ગોટલી આપી મહારાજ બાપા ભર્યા...હે વ્હાલા બાપજી ૦૮
રાત દાડો કે’દિ તમે જોયા નથી, એક-બે કાજે તમે રહ્યા મથી;
આખા જીવનમાં એકે રજા રાખી નથી...હે વ્હાલા બાપજી ૦૯
આપ સ્વયં મૂર્તિમાંહી રહ્યા, છતાં અપાર દુઃખો આપે સહ્યાં;
સૌને મૂર્તિસુખથી ભરી રહ્યા...હે વ્હાલા બાપજી ૧૦
ઘણા વિમુખ વિમુખ તમને કહેતા રહ્યા, તોય લાખો મુખોન્મુખ કરતા રહ્યા;
ઠસોઠસ નિષ્ઠાથી ભરતા રહ્યા...હે વ્હાલા બાપજી ૧૧
હજુ સત્સંગ આખો જોઈ રહેશે, શ્રીજી દિગંતમાં ડંકા દઈ દેશે;
શું થયું...? કેમ થયું…? તેમ સહુ કહેશે...હે વ્હાલા બાપજી ૧૨
બસો બસો વર્ષનો સંકલ્પ જે, શુદ્ધ સંપ્રદાય તણો હતો તે;
જય જયકાર તેનો આજે થઈ રહ્યો છે...હે વ્હાલા બાપજી ૧૩
આપ કહો છો કંઈ અમે નથી કરતા, સ્વયં શ્રીજીમહારાજ છે આપ કર્તા;
તવ કૃપાએ એમાં અમને ભેળવતા...હે વ્હાલા બાપજી ૧૪
ઉપકારો અનંત નવ વિસરીએ, આપ વચને ટુક ટુક થઈ રહીએ;
આપ શતાબ્દી કેરી આશા કરીએ...હે વ્હાલા બાપજી ૧૫
ઘણી વખત કર્યા હશે ઓશિયાળા, મનમુખી સ્વભાવે કર્યા દુખાળા;
બધું ભૂલીને માફ કરો ગુરુ મારા...હે વ્હાલા બાપજી ૧૬
દિવ્યપુરુષ મહિમાગાન
એક દિવ્યપુરુષની વાત કરું, પ્રાણપ્યારા ગુરુ બાપજીની કરું;
એક દિવ્યપુરુષની વાત કરું, દિવ્યભાવ મહિમા સાથે કરું...ટેક
શ્રીહરિનો મહિમા સર્વોપરી, જેના રૂંવાડે-રૂંવાડે એ જ ભર્યો;
તે માટે તન-મન અર્પી દીધું, એવું કાર્ય મારા ગુરુજીએ કીધું...૦૧
અમીભરેલી દૃષ્ટિ છે કેવી, ઝાડી દેશમાં વરસે કૃપા કેવી;
દીન-દુખિયાનાં સર્વે દુઃખો હરે, પોતે ભૂખ દુઃખ ને થાક સહે...૦૨
ખીચડીમાં જે’દિ હળદર ન્હોતી, કર્યું સિદ્ધાંતમાં સમાધાન નહિ;
રાખી નિયમ ધરમની દૃઢતા ઘણી, છે જો સાધુતાની મૂર્તિ ખરી...૦૩
દુખિયા જીવોને સુખિયા કરવા, ટાઢ તડકો ને વરસાદ સહ્યાં ઘણાં;
વન-પર્વત ઝાડીએ વિચર્યા ઘણું, ચડી ડુંગરા આશીર્વાદ આપ્યા ઘણા...૦૪
પગપાળા ચાલ્યા એ પોટલાં લઈ, બેઠા ટ્રક ટેમ્પામાં ને રિક્ષા કરી;
કર્યા ઉપવાસ પાળી આજ્ઞા ઘણી, રાતોની રાતો જાગી વાતો કરી...૦૫
વહેલા ઊઠ્યા ને મોડા સૂતા, રાતોની રાત એ પોઢ્યા નહિ;
સેવકભાવે ઘણી સેવા કરી, ઘસ્યાં વાસણ પાણી દેગડાં ભરી...૦૬
માલ વિનાના માનવ કેવા, અપમાન કરે તુચ્છ ગણી;
દિવ્યભાવે દર્શન સેવા-સમાગમ, કર્યા રાજી મુનિસ્વામીને મળી...૦૭
સમજે અંતરથી દિવ્યભાવ, આ સત્પુરુષ કેવા દિવ્ય હશે;
દિવ્ય સમજે તે સર્વે દિવ્ય થશે, સર્વે દુઃખોના ડુંગરો તૂટી જશે... ૦૮
દિવ્યપુરુષ એક અતિ બડે...
(રાગ : ગુરુ ગોવિંદ દોઉં ખડે...)
દિવ્યપુરુષ એક અતિ બડે, શ્રીજી સમ સુખધામ;
બાપાશ્રી કે વચન પ્રગટે, ગુરુજી મેરે મહાન... હો વ્હાલા૦૧
બાપાશ્રી એક દિન પધારે, ધન્ય વાંસવા ગાંવ;
જેઠાભાઈ દર્શન આયે, પૂજન કરી પડે પાંવ... હો વ્હાલા૦૨
ભક્ત વિનવે બાપાશ્રી કો, પુત્ર દિયો સુખધામ;
હમ તુમ્હારે આપ હમારે, કૃપા કરો મુજ તાત... હો વ્હાલા૦૩
રાજી હો ગયે બાપાશ્રી જો, ભક્ત પૂરે નિષ્કામ;
ટીકા લગાયા શ્રીફલ દિયા, ભક્ત હુવે બડ ભાગ... હો વ્હાલા૦૪
મુસ્કુરાતે બાપા બોલે, સંકલ્પ શ્રીજી સુજાન;
આધા તુમ્હારા આધા હમારા, મુક્ત અનાદિ મહાન... હો વ્હાલા૦૫
આધા હમારા વો ગુરુજી મેરે, દિવ્યપુરુષ નિદાન;
શુદ્ધ ઉપાસના કારણ પ્રગટે, બાપજી મેરે મહાન... હોવ્હાલા૦૬
